خسارة.. يا ألف خسارة.

  كتبت هذه التّدوينة بتاريخ 22 أفريل 2014

علي العريض البارح عالـTNN تقولش ربّي حقّقلو دعوة سيّدنا موسى عليه السّلام..

آش ولّى فصيح الرّاجل.

وين هالفصاحة يا سي لعريض كيف كنت وزير الدّاخليّة..

وين هالفصاحة يا سي لعريض كيف كنت رئيس الوزراء..

علاش هاك الوقت ما حدّثتناش بالصّعوبات اللي تعرّضتلها..

علاش ما فهّمتناش يا سي لعريض ؟؟

الإعلام كان محاصرك قلت ؟

الله الله الله الله..

تعرف هاذي شنيّة ؟..

هاذي يقولولها: "ربّ عذر أقبح من ذنب"..

ماتعرفش اللي ثمّة فايسبوك.. وتويتر.. ويوتيوب..

كليمة مسجّلة ومنشورة على وحيحد من هاذوما ينتشر خير من ساعة على الوطنيّات الزوز ونسمة وحنّبعل والتّونسيّة مجتمعين.

لوّح علينا من هالرويّق وإيجا للثّنيّة..

زعمة هالإبداع في التّواصل موش تلحيس للمنتخبين اللي قرب وقت محاولة توريطهم من جديد.

خسارتك سي علي..

والله كنت نحترمك آما كيف شفتك أبكم وقت مصالح بلادك وتبدع وقت مصالحك ومصالح حزبك، ما إنّجم نقلّك كان يا خسارتك.