جيت باش نشلّك بو شلاكة نلقى اللي يشلّكو فيه شلايك.. بطّلت.
إظهار الرسائل ذات التسميات تعاليق. إظهار كافة الرسائل
إظهار الرسائل ذات التسميات تعاليق. إظهار كافة الرسائل
15/04/2023
البوخوخو.
مافهمتش، روسيا والصّين ولاّو خبرة في البوخوخو وإلاّ شنيّة الحكاية.. كل ما يقابلو رئيس دولة من خدمة النّاتو يقلبولو سيمتو وما يخرج من عندهم كان مروفز عالماريكان.. لا سلمو جماعة الخليج لا أردوغان، حتّى ماكرون اليوم ميزال في الطّيّارة مروّح من بيكين قال: "على أوروبّا ألاّ تُصبح تابعة للولايات المتّحدة".
ينبح.
معناها اللي كان "يغرّد" على تويتر ماش يولّي "ينبح". 
😺
الظّاهر إيلون ماسك عدّى جمعة غبشة قدّام تابلاتو يقرأ في تعليقات قوم صلعة الخلاّص ومن والاهم على غياب رئيس الجمهوريّة لين طلعتلو الكلبة بنت الكلب وجابتلو تصويرة كلب باش يحطّها في بلاصة العصفور الشٌعار متاع تويتر.
قاللها علاش.. قالتلو عجب، تو هذا تزقزيق اللي تقرأ فيه؟.
20/03/2023
للهواوي في حثالة الثّقفوت قدوة.
وللهواوي في حثالة الثّقفوت قدوة.
لا قالتها بالشنوي لغتها، ولا قالتها بالعربي لغتنا..
زعمة تغيض فالفرانصيص بستّ قلالنا وإلاّ تعطي فينا في برهان اللي أحنا إستقلينا على فرانصا..
وإلاّ اللي يبات مع الجران، يصبح يقرقر..
وإلاّ للهواوي في حثالة الثّقفوت قدوة.
06/10/2021
أكتوبر 2021.
الثّلاثاء 05 أكتوبر 2021
 |
| عطب بالفايسبوك يدوم بضع ساعات |
كانت ماش تصير كارثة، شويّة لا ترزينا في الفايسبوك.. لكن الحمد لله، عنّا الشّيخ التّكتاك، حلّها بغمزة وحدة من عينيه الجريئة. 😂😂😂
________________
الإربعاء 06 أكتوبر 2021
 |
| إشاعة مداهمة الأمن منزل بن مبارك |
شنوّة اللي منع جوهر بن مبارك باش يقول حقيقة اللي صار وقت سألتو قناة التّاسعة، وعلاش تلعثم ودوّر الحديث ؟
طلعت صحيحة مقولة ناس بكري "اللي يبات مع الجْران يصبح يقرقر".. وشوفو مع شكون يتواصل هالأيّمات الأخيرة.
04/09/2021
سبتمبر 2021.
السّبت 04 سبتمبر 2021.
 |
| وذكّرهم بـ"سيادة الشّعب" في دستورهم. |
______________________________
الأحد 05 سبتمبر 2021.
نرجعو لخرّافتنا..
جماعة "الإنقلاب" قالوا:
"ثمّة إنقلاب..
وثمّة صاحب الإنقلاب..
وثمّة الفرحانين بالإنقلاب..
وبكلّهم سواء..
سواء سواء.."
صحيح وربّ الكعبة، إنقلابيون على طول المدى..
إنقلابيّون على الهمّ والغمّ وخلايقكم الزّفرة..
وسنبقى كذلك حتّى النّصر.
____________________
هكّة ياحوثي..
قدّاكش سوفاج وماتقدّر حد..
تضرب "السّعوديّة بطنّها وطنينها، موش عيب عليك.
آش قلت؟.. هي ضربتّك قبل؟..
وحتّى لو ضربتّك وهتّكتلك عظامك، ماهي إلاّ أختك الكبيرة وتربّي فيك، ماعادش حشمة؟، ماعادش قدر؟.
عيب عليك ياحوثي، مايجيش.. واللي تعمل فيه باطل، باطل، باطل.
وراهي ماما زمريكا متغشّشة عليك برشة برشة وماتحبّش هاللعب متاع الذّرّي وقالتلك: يا "سوفاج"..
فهمت؟.
هاني قتلك باش ماتقولش غرّو بيّا، وإنت دليلك ملك..
__________________
الإثنين 06 سبتمبر 2021
الصّهاينة في حيص بيص ولا عارفين كوعهم من بوعهم..
الظّاهر ماش يضطرّوا يستعينو بخبرات لطفي أنفاق باش يحلّلهم التّاGـزة.
_________________
الجمعة 17 سبتمبر 2021
_________________________
السّبت 18 سبتمبر 2021
خالصين تو وإلاّ ميزلتو تسالونا مغيرفة؟..
ماكم قبل مسيّبينا نصيحو ونعيّطو ولا من مجيب.. أحنا نصيحو وإنتوما تزيدو في العدم والتّكبّر ولا على بالكم شئ.
هاكم اليوم خذيتو بلاصتنا، بلاصة الضّعيف، وGراجمكم شاحت بالعياط والعويل.. وماكلّمكم حد..
شختو اليوم؟..
خرّجتو الكبتة اللي فيكم؟..
تفرهدت روحكم المعنويّة؟..
وهانا خلاص، لا رابح لا مربوح.. صحتو وعيّطّو ولا من حسّكم.. كيف ما كنّا.
أيّا مالا ورّونا عرض كتافكم وشدّو عششكم وخلّونا نزيدو لقدّام، طريقنا إتكيّس ومستقبلنا كويّس وما يأثّر فينا لا دولار ولا فليّس ولا كمشة أحزاب الباهي فيهم زنيّس..
موش قلنالكم لا عودة إلى الوراء..
أبدا.. أبدا.. أبدا.
________________________________
بلّغتوا فأحسنتم التّبليغ..
شكر الله سعيكم.
__________________
الثّلاثاء 21 سبتمبر 2021
القناة الوطنيّة اليوم قامت بواجبها وبسرعة نظّفت تسجيل خطاب رئيس الجمهوريّة من أصوات الجماهير الطّاغيّة على صوت الرّئيس اللي خلاّتنا مافهمنا شئ من الخطاب.. شكرا يا الـ"وطنيّة"، وإنشاء الله هالحال يدوم.
__________________
 |
| بطاقة إيداع بالسّجن ضد مخلوف لتهجّمه على القضاء والجيش. |
سيف الدّين مخلوف "متعوّدة دايما".
إن شاء الله هاذي نهاية البلطجة.
________________
الخميس 23 سبتمبر 2021
هيّا نعاودو يا حبّي.. هيّا نعاودو.
 |
| دعوة لوقفة إحتجاجيّة ثانيّة يوم الأحد 26 |
ما هربش نهار 18، نعاودوها نهار 26.. وياربّ، ياربّ يهرب..
مرحى عليكم.. إحنا زادة فدّينا، شجّعوه شويّة خلّيه يكبس روحو.
_________________________
الإربعاء 29 سبتمبر 2021
 قيس سعيّد يكلّف السيّدة نجلاء بودن بتشكيل الحكومة _______________________ |
21/08/2021
الكوموند.
كتبت هذه التّدوينة بتاريخ 29 ماي 2014
مجموعة من عشرة أنفار تواجه قوّات الأمن بالقصرين وتتمكن من الفرار سالمة مخلّفة أربعة قتلى من رجال الأمن..
موش خير لوكان يبعثوا الأمنيين يتدربوا عند جماعة النصرة وإلاّ عند جماعة داعش باش يحسّنوا مستواهم, مافالحين كان عالشعب الأعزل..
وبن جدّو قرّر يعمل تحقيق..
هو وزير داخليّة وإلاّ رئيس تحرير ؟؟
حقّق يا بن جدّو.. حقّق.
وإن شاء الله توصل للحقيقة وقت تلقاهم بحذاك في الصّالة وإنت شايخ على مسرحيّة "شاهد ماشافشي حاجة"..
أمّا رد بالك تسلملهم في الكوموند.
17/08/2021
من تحزّب خان.
الحزب هو حالة كينونيّة يقوم بها مجموعة أفراد يحملون أفكارا شخصيّة أو مصلحيّة أو متطرّفة، لا تهمّهم سوى أرائهم ومصلحتهم العقائديّة أو الإقتصاديّة أو السّيّاسيّة أو الإجتماعيّة، ولا يكترثون بالفئات الاخري من المجتمع، ومن مصلحة المجتمع، ومن حاجات المجتمع، ومن رغبات المجتمع ...
التّحزب هوا التّفرّق، وقد حرّمّه الله ورسوله. وهو سبب رئيسي في الفتن بين المسلمين ..
الحزب هو قبيلة العصر الحديث..
إنّ المجتمع الذي يحكمه حزب واحد هو تماما مثل المجتمع الذي تحكمه قبيلة واحدة وإنّ التّأثير السّلبي والمدمّر للصّراع القبلي في المجتمع هو نفس التّأثير السّلبي والمدمّر للصّراع الحزبي في المجتمع.
من الفصل الأوّل من الكتاب الأخضر.
صدق معمّر القذّافي في هذه وواقع الحال على ذلك شهيدا.
الزّماريكان والطّالبان.
الزّماريكان باش يغطّيوا عورة هزيمتهم في إفغانستان إستغلّو تصاور الأفغان اللي إلتحقو بالمطار ويحبّو يفارقو..
الزّماريكان يقولو: شوفو كيفاش الشّعب الإفغاني خايف من طالبان ويحبّو يهربو عنّا..
لكن الزّماريكان فاتهم اللي ثمّة حالات عاديّة تصير في مثل هالضّروف..
في العادة وين تصير هزّة وتغيير ثمّة قوم كانو متعاملين مع الحكم السّابق سواء كانو خونة وإلاّ مجرّد إنتهازيّين، هاذم يجاهم الخوف من الحكم الجديد وغريزيّا يحاولو يهربو، عادي، موش بشرطه يتقرن الموضوع بطالبان بالذّات.
وثمّة ناس نوعيّة أخرى فادّة من حالة الحرب اللي دامت سنين وتحب تهاجر بأيّ طريقة، ولقات الفرصة في حرقة على طيّارة مع الزّماريكان ما حبّتش تفلّتها، وعادي، تصير في أعزّ البلدان..
اللي تغابى عليه الزّاماريكان هو اللي الإفغاني اللي كاره طالبان وقت يحب يهرب منها موش محتاج لطيّارة أمريكيّة، عندو حدود مع ستّة دول طولها 5529 كيلومتر ينجم يتسلّل منها وقت ما يحبّ ووقت مايريد..
هوما في الحقيقة ما تغاباوش، الزّماريكان، لكن يحبّونا نكونو أغبياء ونصدّقوهم.. ماهو عندهم هاك الرّوح متاع التّعالي واللي يقولوه يحبّو كل من يسمعهم يقول آمين.
15/08/2021
03/08/2021
الزّنديق.
يوسف الصّدّيق:
"ثورة آش معناها.. معناها أنثى الثّور.. الثّورة هي أنثى الثّور، يعني عمليّة كورّيدا.. تعرف الكورّيدا عند السبنيور، يدخل الثّور ثمّ يهاجم، أمّا يغلب التّوريرو وإلاّ التّوريرو يغلبو ويقتلو.. هذه هي الثّورة.. لكن شوف إنت المفهوم في اللغات الأجنبيّة، إنجليزيّ أو فرنسيّة، "ريـvـوليشين"، ريـvـوليشن يعني مفهوم جدّا مهم، يعني الإنسان يدور ويرجع لنفس المكان لكن تغيّر.. شوف اللي يعمل ريـvـوليشين هو الشّمس وإلاّ الكواكب هكذا لكن كيف ترجع هاونا الطّقس تبدّل وكلّ شيء تبدّل إحنا لاصقين في الثّورة لذا عنّا إيران ماعندهاش ثورة، عندها إنقلاب.. الثّورة الإيرانيّة يسمّوها إنقلاب، بالفارسي إنقلاب وعندهم حق لأنّو إنقلاب".
منين جابها،الثّورة أنثى الثّور، الله أعلم.. هو ربّي سبحانه وتعالى قال: ...إِنَّهَا "ثورة" صفراء فاقع لونها تسرّ النّاظرين؟.. مانتصوّرش., على العموم هو ماقصّرش وعطانا البديل: كلمة ريـVـوليسيون عجبتّو ومحلاها وقدّاش معبّرة، حتّى "إنقلاب" متاع إيران عجبتّو.. ماثمّة كان العربيّة معاقة وماتعبّرش، "المرا" موش قالت: "جو مكسبريم ميو آن فرنساي.
شفتو الثّقافة؟.. خسارة فينا واحد كيفو، أنا لوكان جيت في بلاصتو نْهِجْ من هالبلاد ونشوف حياتي حتّى في بلاد الواقن واق.. راهو جوزاف الزّنديق ويامدراك.
_________________________
رجعنا لهاك اللوبانة متاع شافو داخل للجامع..
يوسف الصّدّيق (بيس):
"نداء للأستاذ قيس سعيّد أنّو يفهم أن الإعتماد على المسألة الدّينيّة فكريّا وسياسيّا لا تجدي نفعا.. أحنا شفنا اللي هو ديمة يقول أنا مسؤول أمام الله والتّاريخ والجمهوريّة وإلاّ شنوّة، أنا بالنّسبة ليّا أنّو يترك الله يشتغل في حد ذاتو في الكون، أحنا ناس بسطاء يعني عنّا بنيا، عنّا جامعة، عنّا طريق ماش نعملوه، جسر وكذا وكذا".
إيه، هذا بخصوص قيس سعيّد، وإنت آش نعملو معاك؟.. إسمك بكلّو تلميحات دينيّة..
ننصحوك ونعاونوك.. برّة نبدّلوه إسمك.. "جوزاف الزّنديق"، باهيش؟..
29/07/2021
الخميس 29 جويليّة 2021.
الرّئيس كيف طلب من التّجّار يهزّو يديهم شويّة عالمواطن موش معناها يستجدي فيهم.
رئيسكم، وعندو عام ونصف، عجب، لتو ما فهمتوه؟.
الرّئيس "الأوحد" (هاذي نكاية في الخرنانة بتوع الإنقلاب) يبدأ بالنّصيحة ثمّ التّهديد.. ثمّ الهراوة فردّو بالكم.
ردّو بالكم فيسع، الوقت ضيّق وموش ماش يصبر عليكم كيف الفسّاد متاع المال والسّياسة.
وياريت لوكان يقع التّراجع على تحرير الأسعار متاع الرأسماليّة المتوحّشة ونرجعو لتحديد الأسعار بصفة شاملة، على الأقل في هالفترة الحرجة، لين البلاد توقف على رجليها، ويكون القرار مقرون بمراقبة صارمة وعقوبات رادعة..
_________________________
الغنينيش في الرّمق الأخير قال إنّو مستعد للتّنازل، المهم ترجع الدّامـGـراطيّة.
هكّة يا شخشوخ، نسيت حويجة ما فسّدتهاش تحب ترجع تفسّدها ؟
وإلاّ طيّبك رزام الإخشيدي كيف ما طيّبك قبل رزام البجبوج.
ماك متعوّد دايمااااا.. يا قرنيطة.
لكن هالمرّة دوّيوو.. البجبوج طيّبك باش يتحالف معاك على خاطركم الإثنين فرد قصعة، لكن الإخشيدي راجل.
_________________________
الرّجوليّة،
كي تكون رجوليّة، تحضر وتغيب، آش بالك كي تكون فشوش.
اليوم
الفرزيط، اللي كان عامل صيد، ولاّ جربوع ومتخبّي في الرّوGارات..
ببركات الشخشوخ.
موش
هاذا المهم..
هالمخلوق
كان يتّهم في قيس سعيد بأنّو عميل للزّمريكان.. واليوم يسترحم في نفس الزّمريكان
(من جملة من إسترحمهم) باش يتوسّطو ويخرّجوه من البلاد.
التّفاهة
ما فيها ماتختار.
_________________________
البعرورة
متاع توم وجيري اليوم موش عاجبها تجميد البرلمان وقالت يلزمو يرجع يتسخّن وقالت
اللي هي تعتبر نفسها في حالة إنعقاد دائم.
مثلا
هي تو منعقدة.. وغدوة زادة تلقاوها منعقدة.
سخّفها
الغنينيش متاع توم وجيري المغبونة ومالقات مع شكون تلعب.
27/07/2021
27 جويليّة 2021.
أيّا
سيدي ماعادش كلام، البحيري حلف اللي هو إنقلاب (مانعرفش "قسما" لشكون تعود، لله
وإلاّ للغنينيش، لكن موش مهم، كل حد ونيتو)، مازالش حد ينجّم يتكلّم وإلاّ يقول
لا.
أنا
شخصيّا إقتنعت.
هو
إنقلاب وألف إنقلاب.
ويعطيك
صخرة يا بحيري يابو كرش.
موش
الحالة الخامجة اللي أحنا فيها، بكذبها ونفاقها وفسادها ومافياتها وترهدينها ولاّة
هي اللي يقولو عليها "شرعيّة".. والإنقلاب ما يكون كان عالشّرعيّة.
ومادام
حتّى حد ما عرّف نوعيّة "الشّرعيّة" اللي الخروج عليها يتسمّى إنقلاب.
ومادام
قيس سعيد تحرّك ضد هالحالة الخامجة والشّرعيّة الفاسدة فيعطيك الصّخرة يا وليّد
لغنينيش، يا مافيوزي، يا صاحب كمال اللطيّف.. يعطيك الصّخرة، هاك طلّعتها.
هي
بالحق إنقلاب..
كيفاش
تعدّات علينا هاذي؟.
_________________________
قياديون من قلب تونس يؤيّدون قرارات الرّئيس قيس سعيد
سمير ديلو ينتقد حماقات الغنّوشي ويؤيّد قيس سعيد
(يَوْمَ يَفِرُّ الْمَرْءُ مِنْ أَخِيهِ.. وَأُمِّهِ وَأَبِيهِ.. وَصَـحِبَتِهِ وَبَنِيهِ.. لِكُلِّ امْرِىء مِنْهُمْ يَوْمَئِذ شَأْنٌ يُغْنِيهِ).
الغنينيش طلع معلّم، قرّا وورّا..
جماعتو يطبّقو في نظريّاتو في النّفاق وقلبان الفيستة.
القروي وديلو زرطاو.
... وميزال.
25/07/2021
حاسبوه.. حاسبوه.
الذي يحدث لمقرّات حركة النّهضة يتحمّل مسؤوليّته المدعو راشد الغنّوشي شخصيّا فهو من عمّق الكراهيّة والغل بسبب رعونته وكذبه ونفاقه وخيانته للوطن والثّورة والشّعب.
وكلّ نفس تصاب من حرّاس المقرّات أو من المنتسبين للحركة من المواطنين في هذه الضّروف
الإستثنائيّة يقع إزرها على الدّجال المارق عن الحقّ وإرادة الشّعب.
هو الفاسد المفسد في الأرض ومسمّم الأجواء والتّاجر بالشّعوب والخارج عن الملّة وباعث اليأس ومحطّم العزائم ومساند اللصوص وشذّاذ الآفاق.
وهو من أفقر الحركة وأهذر قدرها وأذلّ الطّيّبين فيها وأبعد الصّالحين عنها وجلب لها كراهيّة من كانوا قد وثقوا فيها فنفروها وتركوها.
25 جويليّة 2021.
الأحد 25 جويليّة: قيس سعيد يتحرّك لمحاربة الفساد.
إنقلاب ؟.. نحن معك.
خروج عن الدّستور ؟.. نحن معك.
بلطجة ؟.. نحن معك.
قولوا ما تشاؤون فالبلاد ستتخلّص من جنونكم وكفركم وشذوذكم يا كلاب الدّم.
وأعلموا، والحاظر يعلم الغائب بأنّ وكما قال الرّئيس من يطلق رصاصة فسيواجهه وابل من الرّصاص.. وكفى.
____________________________
قيس سعيد:
من يُطلق رصاصة واحدة ستجابهه قوّاتنا العسكريّة والأمنيّة بوابل من الرّصاص الذي لا يحدّه إحصاء.
_________________________
ذهب الليل..
طلع الفجر..
والقيسون صوصو.
_________________________
ليلة القبض على الجرذان.
_________________________
قيس سعيد:
الأستاذ في القانون الدّستوري.
رئيس الجمهوريّة.
القائد الأعلى للقوّات العسكريّة.
القائد الأعلى للقوّات الأمنيّة.
رئيس الحكومة.
النّائب العام.
قائد ثورة 25 جويليّة.
... وموتوا بغيضكم.
_________________________
القنوات التّونسيّة
لاهم في الزّير ولا في الزّنبير
_________________________
💔 تعرف إيه عن المنطق يا مرسي؟
💚 أيوه، أنا أعرف المنطق كويّس..
أرف لمّا واحد ينتخبوه 73 % من الشّعب ويقولو عنّو إنقلابي..
هو دا المنطق وإلاّ موش هو؟
يا متعلّمين يا بتوع المدارس.
_________________________
السّاحات من شمالها لجنوبها تغصّ بمؤيّدي إجراءات الرّئيس وهو يقول:
"من يدعم الإنقلاب سيكون سُبّة الدّهر ولن تقوم له قائمة"..
😂😂 محلاها ساحات السّبّة 😂😂
_________________________
الاشتراك في:
التعليقات (Atom)
