المخاطيف.

شنيّة حكاية "خطفوني" اللي دايرة هالأيّام؟..

بنت العلوي كتبت تو مدّة موضوع طويل عريض من "الخيال الكذبي" على عمليّة خطف بوها، كيما تخيّلت، رغم الحراسة العائليّة المشدّدة عليه ورغم أنّ العلوي ضهر وبان بكلّ أمان حد ماتسائل على مقولة البنيّة شنوّة الغرض منها وشنوّة هدفها بما أنّ الظّاهر لا ثمّة لا خطف ولا هم يحزنون وإلاّ راهي الدّنيا تقلبت.. هوما ناقصين تخرنين؟..

 اليوم زادة مخلوف قال خطفوني.

علاش يا مخلوف؟.. ماش يعصروك ويطلّعو منّك زيت النّوائب ويبيعوك مدعوم؟..

حكايتكم هاذي لم تنطلي في المرّة الأولى ولن تنطلي في الثّانيّة، وماذا بينا لوكان تقولولنا عاللي صار قبل مايكركروك للسّيّارة، وشنوّة الحديث اللي صار بيناتكم وشكونهم أصحاب السّيّارة ووين هزّوك وكيفاش رجّعوك... إلخ، ومن غير ما تدهن حديثك بالعسل، نعرفوه منطقك، إنت والكمباني متاعك.