طز فيكم.

 ثمّة رئيس نعرفو.. كيف قاللهم إيجاو الإيد في الإيد نتعاونو على هم البلاد ولوّح عليكم من الترهدين، قالولو إنت صلاحيّاتك محدودة، كِنْ وأحنا نعرفو آش نعملو.

وكيف قاللهم ثمّة برشة فسّاد في البلاد ولازم القانون ياخذ مجراه ويتحاسبو، قالولو إنت تحب تعمل فتنة وتهزّنا للمجهول.

وكيف قاللهم كل ماهو غير قانوني ولا دستوري مانيش ماش نوافق عليه، قالولو إنت تحب تعطّل مؤسّسات الدّولة وتدخّلها في حيط.

وكيف قاللهم الدستور كلاه الحمار على خاطر عملوه البهايم ماركة قرط باش يتمعشو بيه، قالولو إنت تحب تعمل إنقلاب.

وكيف قاللهم رئيس الحكومة راهو وبش وماعندوش كلمة وحلف بالقرآن على مبادئ معيّنة وسٌفَهْ، قالولو إنت تحب وزير أوّل وترجّع الدكتاتوريّة.

وكيف قاللهم اللي ثمّة برشة غرف مظلمة تسيّر في البلاد للهلاك، قالولو ماثمّة غرف مظلمة كان عندك في القصر وبالأمارة فاتورة الستاغ متاع القصر في حكمك نزلت لعشر فاتورات العهود السّابقة.

واليوم هاكا نفس الرّئيس اللي نعرفو كيف ما لقا بيها وين وشاف الشّعب ماش ينقرض بسبب إستهتار أصحاب الحل والرّبط وقرّر يولّي متسوّل باش ينقذ شعبو، و"الضّرورات تبيح المحظورات"، الجماعة الكل فرحو بيه وولاّ سيّد الأسياد ومحترم ومقدّر صلاحيّاتو ويحب السّلم الإجتماعي ويحترم مؤسّسات الدّولة ويؤمن بالتّداول السّلمي على السّلطة وبالدّيمقراطيّة وولاّ حبيب وزين الزّين ومحلاه وتنصبت مهرجانات الأفراح والليالي الملاح في التّكشيخ وإستقبال طائرات المساعدات حتّى لو كانت من شيطان أو مستكبر أو سفّاح.

هو حب الأجيال من أحفادنا تتحدّث علينا بفخر، وهوما قرّرو وشدّو صحيح باش يكونو سطر مخجل يتدرّس في كتب التّاريخ.

يخرب مطنّكم قداشكم لووول ولااال وليييل دامس في عقولكم

وفي تطلّعاتكم

وفي تكتيكاتكم

وفي حياتكم

وفي ديمقراطيّتكم

وفي برلمانكم

وفي دستوركم

وفي إنتخاباتكم.