لوّح علينا يامهدي.

 كتبت هذه التّدوينة بتاريخ 23 أفريل سنة 2014

مهدي جمعة قاللكم: "خلّيونا بربّي من هالـGrandes Causes"..

لوّح علينا يامهدي آش نعملو باها..

هي صحيح تعني الشّرف والإستقلاليّة والعزّة لاكن يلعن بو الشّرف والإستقلاليّة والعزّة اللي ماش تحرمنا من شويّة توريست وتغضّب علينا الرزّاق الصّهيوني..

إحنا ناقصين ؟؟

وعلاش ماش نلومو عليك وإنت التّكنوقراط واللي جابتّك ورقة ياناصيب، تي هي حتّى النهضة "الملتزمة" واللي الشّعب إنتخبها قالت موش وقتو تجريم التّطبيع..

طبّع وGـلّت وخمّجها، موش مشكل مادامت الشّكيمة فيدك وربّي يخلّيلنا "الشّيخين" رشودة والبجبوج اللي بفضلهم رجعّلنا النظر وولينا قادرين نشوفو النّجوم في القايلة.