شكر الله سعيكم.

تضاهرة يوم 18 سبتمبر معارضة لحركة 25 جويليّة.

الحاصيلو تبارك الله عليكم..

شفتو كيفاش حصلتو.

طلعتو وتجمّعتو وصحتو وعيّطتو وغنّيتو شعاراتكم وحتّى حد ماجاء بساحتكم ولا قرّبلكم ولا سدّلكم إفّامكم..

وتقولو "إنقلاب"..

لو كان جاء إنقلاب راكم إتفرشختم تفرشيخة أمّيّة لا تقرأ لا تكتب، وراهي عولة من الزّرّازي في الخريف لا نودّك ولا نشهّيك.

تبارك الله عليكم كيف بيّنتو للعالم الكل اللي الحرّيّة ماتمسّتش وكل مواطن ينجّم يقول اللي يحب وقت ما يحب ووين ما يحب وحتّى حد ما يسألو ثلث العشرة قدّاش.

بلّغتوا فأحسنتم التّبليغ..

شكر الله سعيكم.