النّهضة قالت مستحيل توافق بأيّ تغيير في نظام الحكم بإستفتاء.. معناها النّهضة ما تستعرفش بنتائج أي إستفتاء.. معناها الإستفتاء رجس من عمل الشّيطان، والنّهضة لا يأتيها الشّيطان من بين يديها ولا من خلفها.
هاكاهو.. ماعادش كلام. طز في الإستفتاء.
نعاودو الإنتخابات.. الإنتخابات خير، شنوّة إستفتاء.
الإستفتاء يا أبيض يا أسود بينما كيف تنتخبو ناس يقرّرو في بلاصتكم كيفاش تتحُكْمو يعملولكم جو وتولي أموركم بالكولار على كل لون ياكريمة وبالتّوافق تتخلّط الألوان ويخرّجولكم لويّن مزيان، وإلاّ يشيّخوكم بحكم قوس قزح يرقّصلكم عينيكم ويحوّلها، ومايهمّش، يتوافقو مع الشّيطان، يتوافقو مع إبليس، هاكي أمورهم، المهم في الآخر هوما اللي يقرّرو اللي لازم يتغيّر وكيفاش يتغيّر ويخدم شكون كيف يتغيّر..
آل إستفتاء آل..
مالا علاش عملو هالأحزاب وهالهَلُمّا، تحبّو تقرّرو وحدكم ديراكت وتكتيكهم الكل يمشي فاشوش؟، إخص.. إخص.
وإذا رئيسكم شادد صحيح وكل يوم يقلّلكم "على العهد باقون"، هوا زادة عندهم مايقولو و"على التّكتيك باقون"..
المهم
.. ولازال الشّيخ حيّ يُتكتك"..
🐍 تِكْ.. تِكْ.. تِكْ
🐍 ياشِخْ.. شَخْ.. شُوخْ
🐍 تِكْ.. تِكْ.. تِكْ
🐍 سعدك مشروخْ
🐍 تِكْ.. تِكْ.. تِكْ.. عامللنا عنتر
🐍 وإنت بـGـينيط ومنفوخْ
ليست هناك تعليقات:
إرسال تعليق